「工欲善其事，必先利其器」，學習花式跳繩前先要了解各種器材嘅「特性」、「用途」、「注意事項」等等，從而挑選出適合自己需求的繩。
花式跳繩 - 繩的種類
跳繩器材主要分為4個種類：
- 拍子繩 Beaded Rope
- 膠繩 Licorice Rope
- 鋼絲繩 Wire Rope
- 棉繩 Cotton Rope
以上4種繩嘅材質同結構都唔同，為唔同需求而設，所以挑選嘅時候唔一定價錢愈高代表愈好喔！要根據自己嘅情況及用途挑選，揀啱適合嘅繩先可以令你事半功倍！
4種花式跳繩器材
跳繩器材主要分為4個種類：
- 拍子繩 Beaded Rope
- 膠繩 Licorice Rope
- 鋼絲繩 Wire Rope
- 棉繩 Cotton Rope
以上4種繩嘅材質同結構都唔同，所以適用喺唔同情況。想更深入了解每一種繩，就記得留意下期嘅 #跳繩小知識 啦～ 我哋會詳細介紹每一款。
Tips：價錢愈高唔一定代表愈好喔！揀岩適合嘅繩先可以令你事半功倍！
拍子繩
拍子繩（Beaded Rope）喺最常見嘅跳繩器材，由塑膠拍子粒及棉繩繩芯所組成。拍子粒可以話喺整條繩嘅靈魂，因為佢可以發揮到好多功能：
- 落地嘅時候會發出「啪啪」聲，明確嘅聲響令到跳繩者更容易掌握節奏。
- 增加繩子嘅重量，減低擺動過程中受到其他因素嘅影響（例如：落地時嘅衝擊、風、自身動作不足…），提升繩子擺動時嘅穩定性，更容易形成一個漂亮孤型。
- 增強視覺觀感，拍子粒有多種唔同顏色，可以隨意配搭成唔同組合，跳動時可以清晰咁睇到繩嘅去向。
因為以上咁多種嘅特色，所以拍子繩嘅用途都好廣，適合俾初學者做用，可以更容易掌握入門技巧，同時都喺用作表演嘅首選！
《Tips》除左初學者適用外，對於資深運動員都喺一個非常好嘅「重訓」器材，所以拍子繩嘅地位喺不可或缺喔！
膠繩
膠繩（Licorice Rope）結構比較簡單，由塑膠繩作繩芯，所以整體重量會比較輕。日常生活中塑膠製品無處不在，因為佢百變且性價比高，所以套落至膠繩上一樣有好多功能：
- 整體重量較輕，可以減少擺繩所需嘅力度，令跳繩者更易掌握一啲講求「繩速」嘅動作，例如：速度跳、多重（跳起喺空中完成多過一下擺繩）等等。
- 膠嘅柔軟度高，亦都有利於掌握比較複雜嘅花式動作。
- 耐用而且價錢平，性價比非常高。
由於膠繩重量輕，所以穩定性亦會比拍子繩低，但同時可以更輕鬆完成一啲較高難度動作，可以話對佢「又愛又恨」，因此會建議有一定跳繩基礎先再轉用膠繩會比較好喔！
《Tips》膠的「柔軟性」會直接影響花式動作嘅發揮，所以資深運動員選擇膠繩嘅時候會按自己習慣同需求而去選擇唔同軟硬度嘅膠繩喔！
鋼絲繩
鋼絲繩（Wire Rope）顧名思義喺用鋼絲做繩芯，喺日常最唔常見嘅繩，除咗喺因為佢用途特別之外，仲因為佢嘅「存在感」非常低，一齊嚟了解咁神秘嘅佢啦！
- 鋼絲非常輕，比膠繩仲要輕，跳繩者可以用最少嘅力度擺動繩子完成一下，所以對於分秒必爭嘅「速度賽」非常適用（喺無影腳嘅最佳拍檔喔）。
- 金屬材質令到鋼絲繩可以保持一定形狀，相比其他重量同樣屬於輕嘅物質，例如：尼龍繩、幼棉繩（窗簾繩）等等，鋼絲比較堅固，擺動時候可以保持一定弧度，唔會因為過輕而難以擺動。
- 鋼絲喺由好多條幼鋼絲組合而成，喺凹凸不平嘅地下跳會容易令到幼鋼絲折斷，所以使用嘅時候場地都會比其他繩有更多限制，要選擇較平整嘅地面。
由於鋼絲繩柔軟性唔高，所以唔適合用嚟跳花式動作，同時因為非常輕嘅特性，令到跳繩者更難掌握擺繩嘅力度而打到自己（非常痛喔！）所以初學者忌用，進階運動員都建議要先經過專業教繩評核過先用會比較好喔！
《Tips》鋼絲繩還可以再細分兩類，鋼絲外層有一層膠包裹住嘅「包膠鋼絲繩」，以及沒有任何外層嘅「鋼絲繩」，前者因為有膠外層增加重量，適合用作由膠繩轉至鋼絲繩中間嘅「過度期」，比較容易掌握力量喔！
棉繩
棉繩（Cotton Rope）應該大家最為熟識，喺小時候跳繩嘅回憶。直到宜家，棉繩都無被時代淘汰。佢嘅結構最簡單，單單由粗棉繩組成，連繩柄都無，用法只需喺繩尾打一個結就可以。
棉繩其實仲有另外一個身份－「爬山繩」，所以佢喺比日常用棉繩粗同埋重，高韌性同時又有一定柔軟度。
因為以上嘅特質，棉繩適合用喺大繩方面，佢柔軟而且韌性高，可以做出多變嘅擺繩，同時有一定重量，所以繩擺動時嘅穩定性都比較高。近年最常喺「交互繩 Double Dutch」見到棉繩嘅身影。
《Tips》由於棉繩手握位置相比其他繩較無咁講究，會更容易出現「甩繩」情況，所以唔建議用嚟跳「個人花式」喔！
花式跳繩 - 繩柄種類
選擇繩嘅時候，除咗要留意早前介紹過唔同繩嘅種類外，「柄」都喺非常重要但經常被忘記嘅部分，佢可以為繩發揮畫龍點睛嘅功能！繩柄主要可以分為兩大類：
1. 長柄
一般長度大概喺兩個疊埋嘅成人拳頭，長柄身可以有利於做花式動作，例如：做交叉動作嘅時候可以更輕鬆伸到足夠嘅寛度，做放柄動作因為柄面積大而更容易接到，所以長柄非常適合搭配拍子繩或者膠繩去練習花式動作
2. 短柄
一般長度大概喺一個成人拳頭，短柄身可以令力度更容易由手傳到繩，適合於速度跳，因此一般速度跳比賽都會出現短柄配搭膠繩或者鋼絲繩嘅組合
購買花式跳繩器材
坊間較少地方可以買到以上嘅跳繩器材，最易入手可以喺Decathlon、舊式文具店或小型運動器材店買到。若打算長用作健身、減肥或學習花式跳繩，建議可以投資一條專業嘅繩，價錢只差約一杯台式飲品，但可以買到專業跳繩運動員同款嘅器材，無論品質或實用度都更有保證～
