花式跳繩

到底是花式跳繩還是跳繩?

跳繩喺好多人嘅童年回憶,小時候喺學校或公園都會見到有人跳繩,可能喺一個人跳緊棉繩,又或者喺一班人玩緊橡根繩。無論喺邊一種,當時普遍都喺會叫做「跳繩」,但現時小朋友嘅學校興趣班、私營機構嘅課程、國際比賽等等都會用「花式跳繩」哩一個詞語,到底兩者有咩分別呢?

「跳繩」喺一個統稱,只要跳過繩就為之「跳繩」,一般意指前跳或後跳。「花式跳繩」一詞就比較針對性,特別強調需要有「花式」。所以其實兩者性質上係一樣嘅,都喺「跳」、「繩」,即擺動一條繩並跳過,而分別就在於「花式」哩兩個字上。

咁咩喺「花式」?花式即指加入唔同嘅元素而變化出一個動作,最廣為人知嘅「交叉繩」(又名為交叉跳)就正正喺其中一個元素的例子。

 

花式跳繩主要分為五大元素:

  1. 腳步:開合跳、較剪跳、肯肯跳…
  2. 交叉:交叉、身後交叉、敬禮跳…
  3. 多重:二重、三重、四重…
  4. 放柄:釣魚跳、Mic、交叉放柄…
  5. 力量:掌上壓跳、兔跳、前空翻

每一個元素可以單獨成為一個花式動作,又或者可以互相組合成更多嘅花式動作,例如跨下二式(腳步+交叉),甚至可以加入多重元素,令其變成二/三/四重跨下二式。根據數學堂學到嘅知識就可以知道,多個元素 x 多個組合 = 非常多嘅可能性,所以花式跳繩喺非常多變,講求創意,同時可觀性高嘅運動,非常適合一啲追求新鮮感或者想像及創意力高嘅人可以嘗試嘅運動。

除咗花式跳繩,其實仲有好多運動都係同樣多變,例如:花式溜冰、花式足球等等,由以上運動嘅例子,喺咪更容易想像到花式跳繩嘅樣子?最後附上一段個人花式跳繩影片,一齊嘗試用花式元素嘅角度睇睇到底可以有幾多變啦!

(影片主角為本校其中一位全職花式跳繩教練 – 劉昐晞 Gag Lau
表中國香港跳繩總會代表隊出戰「世界跳繩錦標賽2018」

分享此文章

Share on facebook
Share on whatsapp
Share on telegram
Share on twitter
Share on linkedin
Share on pinterest
Share on email