都市人即使做運動亦講求效率，最好喺快、靚、正！要短時間達至瘦身效果，又可以隨時隨地做嘅運動，跳繩絕對喺不二之選！跳繩屬可以個人進行嘅中高強度運動，即使簡單嘅跳繩動作亦可以牽涉全身嘅肌肉群組，達至減肥效果，仲可以加強心肺功能，簡單而有效。
要成功減肥，相信人人都知道最重要嘅概念喺「消耗(Output) >吸收( Input)」，而運動就喺增加消耗嘅最有效方式，今次就探討當中2大關鍵原理：「提高熱量消耗」及「提升基礎代謝率」，令想減肥嘅大家有更多更高效嘅選擇，除咗跑步外亦可以跳繩～
跳繩減肥原理一：提高熱量消耗
「卡路里消耗(Kcal) = 代謝等值(MET) x 運動時間(min) x 體重(kg) / 60」
代謝等值(MET)喺近代科學上形容各運動消耗氧氣或能量嘅指標單位，等同各種食物有唔同卡路里一樣，唔同嘅運動亦都會有唔同嘅消耗成效，MET數字愈大代表運動嘅消耗成效愈高！
運動一般會劃分為低強度活動、中等強度活動及劇烈強度活動，根據康文署指引：
低強度活動：少於3 METs（例如：靜坐、家務…）
中等強度活動：3至6 METs（例如：高爾夫球、劍擊…）
劇烈強度活動：大於 6 METs（例如：跑步、跳繩…）
另外，運動嘅時間及個人嘅體重亦同卡路里消耗成正比，即運動時間愈長，個人體重愈高，所消耗嘅卡路里會愈高！以60kg嘅成人為例，跳繩一小時消耗720Kcal，比行路一小時多4倍，比最多人減肥會選擇嘅多跑步多1.2倍！以下表列出唔同人喺各類活動中所消耗嘅熱量 (以活動一小時計算)
不過要連續跳繩一小時對大部分嘅人嚟講挑戰性高，早前亦有報告指出跳繩10分鐘等於跑步30分鐘，到底喺唔喺真係得？點解成效會由上圖嘅1.2倍變成3倍？因為仲有一個神秘嘅消脂原理 – 提升基礎代謝率，即使躺平都可以消脂！
跳繩減肥原理二：提升基礎代謝率
基礎代謝率（BMR,Basal Metabolic Rate) 喺維持生命及生理機能(呼吸、血液循環、維持體溫、細胞新陳代謝等)所需嘅最少能量，即使你一日只是靜坐及呼吸，你嘅基礎代謝亦會消耗大約1440卡路里，而基礎代謝率佔每日總消耗的60~75%，甚至最高可達83%，比起運動更高。
要提升基礎代謝率最有效嘅方法喺提升肌肉量，雖然脂肪可以消耗熱量，但脂肪同肌肉嘅消耗量相差非常多！1kg脂肪只會消耗4-10Kcal，但1kg肌肉可以消耗75-125Kcal，相差足足超過十倍！所以當肌肉量足夠，即使無特別做啲咩都可以輕鬆保持標準身形～
由於跳繩涉及全身嘅運用，上肢需要擺繩，下肢需要跳躍，腹肌及背肌群亦需要在跳躍嘅時候收緊以保持身驅平衡，由核心肌群到腳腕手腕各大小肌肉都需要用到，所以可以同時提升身體各部分嘅肌肉量。
肌肉需要糖分去運作，跳繩嘅過程中會急速消耗了肌肉儲備的大部分糖分，喺運動後的24-48小時會引發運動後過量氧耗，又稱為後燃反應 ( After-burn effect )，哩個時候身體嘅基礎代謝率會迅速提升到較高嘅水平，並分解脂肪以補充肌肉嘅糖分儲備，間接消耗掉咗脂肪細胞嘅營養，進而令脂肪變小。所以高強度嘅訓練過後，除咗會有因運動而即時消耗嘅熱量之外，After-burn Effect亦會喺運動完，可能喺你休息或睡覺嘅時候繼續進行，以致最後同跑步嘅消耗差距由1.2倍變至3倍～
跳繩成效變數
每個人對跳繩嘅熟練程度唔同，新手大多動作較大而涉及更多肌肉運用，所以每一下消耗嘅能量會更多。根據國際跳繩聯合會(IJRU)，卡路里嘅消耗會因應唔同體重同技術而影響：
無論想減肥或健身，跳繩一直都喺好多專家嘅推薦，室外室內都可以，唔受天氣影響。如果你喺跳繩新手，可以參考另一篇文章「跳繩入門4式-令你輕鬆擺脫「跳繩新手」」，簡單4個步驟就可以掌握基礎跳繩動作。另外，「拍子繩如何調較合適長度？」一文亦會教大家點樣調教合適嘅長度。立即踏上輕鬆減肥健身之旅啦！
